Pentagon-ka Mareykanka ayaa xaqiijiyay in diyaaradaha drones-ka Mareykanku ay toddobaadkii hore duqeyn ku dileen horjooge sare oo ka tirsanaa kooxda Al-Shabaab.
War qoraal ah oo Arbacadii ka soo baxay waaxda difaaca ee Mareykanka ayaa lagu sheegay in Aadan Garaar lagu dilay duqeyn dhanka cirka ah oo lala beegsaday gaarigiisa meel u dhow degmada Diindoor ee gobolka Baay.
Aadan Garaar ayaa mas’uul sare ka ahaa ka shaqeynta howlaha sirdoonka iyo ammaanka ee kooxda Al-shabaab.
Garaar ayaa sidoo kale la sheegy in uu ahaa ninkii maleegay weerarkii bishii September ee sanadkii 2013-kii lagu qaaday suuqa Westgate ee Nairobi, halkaas oo ay ku dhinteen 67 qof
RBK