Aas-aaska Booliska Soomaaliya Oo laga Maamuusay Dalka

munaasabad lagu maamuusay 72 guurada kasoo wareegtay aas-aaskii ciidanka Booliska Soomaaliyeed ayaa lagu qabtay magaalada Muqdisho.

Munaasibadda oo lagu qabtay dugsiga tababarka booliska ayaa waxaa ka qaybgalay madaxweynaha Soomaaliya Xasan Sheekh Maxamuud, mas’uuliyiin ka kala tirsan barlammaanka, xukuumadda, taliyeyaasha ciidammada qalabka sida iyo marti sharaf.

Cutubyo katirsan ciidanka booliska Soomaaliyeed ayaa madasha kusoo bandhigay barmaanij ay ugu talagaleen xuska maalinta aas-aaska ciidanka.

Maunaasabo kale oo lagu maamuusay aas-aaska ciidanka booliska Soomaaliyeed ayaa lagu qabtay gobollada dalka qaarkood.

Ciidanka Booliska Soomaaliyeed oo ah ciidanka ugu faca weyn ciidammada qalabka sida ee Soomaaliya ayaa waxaa la aas-aasay 20-kii  Disembar, sannadku markuu ahaa 1943-kii.