Awdalpress(Hargaysa) 06 Jun 2016–Madaxweynaha Somaliland, Axmed Maxamed Siilaanyo ayaa ka furay maanta magaalada Hargeysa shirka sagaalaad ee isku duwidda mucaawinooyinka Somaliland.
Shirka ayaa ku saabsan gargaarka iyo mucaawinooyinka ay deeq bixiyeyaasha iyo hay’adaha samafalka siiyaan Somaliland, waxaana ka qeybgalaya wafuud ka socota Qaramada Midoobey oo uu hoggaaminayo ku xigeenka ergeyga Qaramada Midoobey ee Soomaaliya Peter de Clercq, hay’adaha dhinaca hormarinta iyo kuwa samafalka.
Madaxweyne Siilaanyo, oo khudbad ka jeediyey furitaanka shirka ayaa sheegay in Somaliland aysan kamid aheyn maamullada Soomaaliya, kana qeybgaleyn doorashooyinka sanadkan dalka ka dhacayo.
Laba maalmood oo uun shirkan socon doono ayaa la filayaa in sidoo kale looga hadlo xoojinta gargaarka aadanimo ee la siiyo Somaliland.
RBK
