Awdalpress – London – Garoonka diyaaradaha Aadan Cadde ee magaalada Muqdisho ayaa la sheegayaa inay ku xayiran yihiin wafdi ka socday dowladda Federaalka Somalia, oo lagu waday in ay u anbabaxaan magaalada Garoowe. Si ay ka dawlad ahaan uga qayb galaan doorashada Madaxweyne ee ka dhici doonta Puntland
Todobaadkii hore waxaa ka degay magaalada Garowe Xildhibaano ka tirsan Baarlamaanka oo laga soo doorto Puntland, kuwaasoo aanan ku jirin xubnaha Wasaaradda Amniga Puntland amarka ka soo saartay.
Horay musharixiinta iyo Isimada Puntland ayaa uga hor yimid go’aanka Puntland ee mas’uuliyiinta dowladda looga mamnuucay Garoowe, hasse ahaateen maamulka ayaa mar kale ku celiyay go’aanka uu arintan ka qaatay.
Doorashada Puntland ayaa marka dul-ahaa laga eego la oran karaa waa mid xasaasi ah oo ay ku tartamayaan musharixiin dhowr ah oo dhinacyo kala duwan ku tiirsan, waxaana ka mid ah musahrixiinta madaxweynaha imika tallada haya Cabdiwali Maxamed Cali Gaas oo dowladda federaalka u arka in ay dagaal siyaasadeed kula jirto.
