Wararka ka imanaya magaalada Laascaanood ee gobolka Sool ayaa sheegaya in hal askari alay lagu dilay xalay magaaladaas.
Warku wuxuu intaasi ku darayaa in dilka askarigan uu geystay askari kale, ka dib markii uu muran dhexmaray.
Askariga la dilay ayaa ka tirsanaa ciidanka asluubta ee Somaliland. Askarigii dilka geystay ayaa la sheegay inuu baxsaday iyadoo ay ku daba joogaan ciidamada ammaanku sida la sheeagay.
saraakiisha ciidamada asluubta Somaliland oo VOA la xidhiidhay ayaa ku gaabsaday inay socoto baadhis lagu hayo dhacdadan.
Wararka qaar ayaa sheegaya in dhacdadan uu dhaawac ka soo gaadhay hal qof oo kale oo rayid ah.
VOA
