Ciidammada Al Shabaab ee ka amar qaata Ahmed Godane ayaa la sheegay in ay dilayaan Xasan Daahir Aweys. ( Halkan ka dhegeyso )

Awdalpress – Muqdisho – Ciidammada Taabacsan Axmed C/maxamuud Godane ayaa qaar ka mid ahi ay hoygiisa ugu tageen Xasan Daahir Aweys oo u sheegay in ay dilayaan haddii aanu raali gelin ka bixinin hadal hore uga soo baxay.

Ciidammada u tagey Xasan Daahir Aweys  ayaa la sheegay in ay u sheegeen in ay  dilayaan haddii aanu si deg deg ah raali gelin buuxda uga bixinnin hadal uu horay u sheegay oo ahaa ineey jiraan khilaaf u dhaxeeya saraakiisha  ugu Sareysa Ururka Al-Shabaab .

Xasan Daahir Aweys ayaa Maalmo ka hor sheegay ineey jiraan Khilaafaad waaweyn oo u dhaxeeya Ururkaasi oo keeni kara ineey laba garab u kala jabaan hadalkaasi ayaa la sheegay in uu aad uga carooday Axmed Gadone taas oo keentay in uu u diro Xasan Daahir ciidamadiisa Gaarka ah .

C/laahi Cismaan Aweys oo ka mid ah elahada Xasan Daahir aweys ayaa Warbaahinta u sheegay in Nolosha Xasan Daahir ay Qatar ku jirto ayna aad uga walacsan yihiin Noloshiisa.

C/laahi Cismaan ayaa hadalkiisa intaasi ku daray in Xasan daahir uu  uu bahaan yahay in la badbaadiyo

HALKAAN KA DHAGEYSO HADALKA MID KA MID AH EHELADA XASAN DAAHIR OO KA WALWAL SAN NOLOSHA XASAN DAAHIR AWEYS

Waxaa jira Khilaafaad aan la dafiri Karin oo ka dhaxeeya Ururka Al-shabaab.

Khilaafkaasi ayaa ka danbeeyay ka dib markii Axmed Godane uu Dil ku xukumay Abuu mansuur al amriiki dhaawacna u geysteen Ciidamada Axmed Godane taas oo qaar ka mid ah Saraakiisha Ururkaasi uu Xasan Daahir ka mid yahay ay aad uga soo horjeesteen.

BLC