Awdalpress(London) 16 July, 14–Allaha u naxariistee Cabdiqaadir Macallin Cismaaan (Oromo) oo ahaa qoraa Soomaliyeed ayaa xalay ku geeriyooday magaalada London ee caasimadda dalka Britain.
Mid kamid ah ehellada marxuumka ayaa u xaqiijiyey Bar-kulan geerida Oromo, wuxuuna sheegay in maalmihii u dambeeyey uu hayey xanuun dhinaca beerka ah.
Cabdiqaadir Oromo oo ahaa qoraa caan ah ayaa qoray buugaag badan oo ka hadlayey taariikhda iyo marxaladihii ay Soomaaliya ay soo martay.
Buugaagta uu qoray waxaa kamid ah, Sababihii Burburka Soomaaliya, Sooyaalka Soomaaliya, Hadimda Gumeysiga iyo Ciirka Colaadda iyo burburkii Soomaaliya.
Cabdiqaadir Oromo ayaa sidoo kale qoray sheekooyin ay ku jiraan Dhagax Kariye, Been dhoobe Toban Kunley iyo kuwo kale.
Source: RBK