Innaa lillaahi wa innaa Ilayhi raajucuun
Nooleba waa dhinte, geeriduna waa jid la wada marayo.
Saakana/shalay oo bisha February tahay 4/2016 waxaan ku waabariistay geeridii xaqa aheyd ee Xaaji Maxamad Ismaaciil “Hoosujeed”.
Sidaa darteed; anigoo ku hadlaya afka dhammaan gurbajooga waxan halkan taci uga dirayaa marka hore dhammaan qoyskii marxuumku ka baxay.
Marka labaad waxan halkan si gaar gaar ah tacsi ugu kala dirayaa Xildhibaan Rashiid Xaaji Maxamd smaaciil – Golaha Wakiilada ee Somaliland uguna weyn tafiirta uu marxuumku ifka kaga tagay.
Waxan iyagana si gaar ah tacsi u gaadhsiinayaa Cabdi Barkhad Ismaaciil, xaaskiisa iyo carruurtiisa iyo Dahir Barkhad Ismaaciil, oo dhammaan kala jooga dalalka Canada iyo Kuwait.
Waxa kale oo aan si gaar ah halkan tacsi uga dirayaa dhammaan bulshada beelaha reer nuur weyne ee marxuumku ka soo jeeday maantana u hoyday hoygii rasmiga ahaa oo naf oo dhammi ku dambayn doonto.
Waxan ugu dambayntii si guud uga tacsiyeynayaa geeridaa xaqa ah ee maanta qaaday Xaaji Maxamad Ismaaciil Waabari dhammaan asxaabtii ku taqaanay marxuumka magac iyo milgaba; waxanan ku soo ururinayaa “Ilaahay waxan marxuumka uga baryayaa dambi dhaaf iyo inuu ka waraabiyo jannatulfirdowsa isla markaana sabar iyi Iimaan inaga siiyo dhammaanteenba.
Aamiin! Aamiin! Aamiin!.
INAA LILLAAHI WA INNAA ILAYHI RAAJUCUUN.
Xaaji Maxamad Cabdullaahi Xaaji Obsiiyeh
Boden – Sweden
The post Tacsi gaar ah loogu dirayo Xildhibaan Rashid M Ismail, Abdi Barkhad Ismail iyo Daahir Barkhad Ismail oo uu dirayo Xaaji Mohamed Xaaji Obsiye. appeared first on Awdalpress.com.
![[Refurb] Sony WH-1000XM5 Wireless Noise Cancelling Headphones (Black) -...](http://files.ozbargain.com.au/n/64/960764l.jpg?h=a44f0fb5)
