Musharraxa M/ Xigeenka Waddani Amb. Mohamed Ali Aw Abdi oo ay taageerayaashiisu dhoolla tus aan caadi ahayn ku soo dhaweynayaan degmooyinka gobollada galbeedka

Awdalpress – Borama – Waxa magaalada Borama ee xarunta G.Awdal si weyn looga dareemayaa dhaqdhaqaaqa Soo dhaweynta wafti balaadhan oo uu hoggaaminayo Musharaxa Madaxweyne Ku Xigeen ee Xisbiga Waddani Amb.Maxamed Cali Aw-cabdi. Iyada Oo qabanqabada Soo dhaweyntaasi ay wakhtigan tahay ta ugu hadal haynta badan Borama.

Mana jiraan muwaaddin magaalada ku nool oo aan soo dhaweyntaa ku faraxsanayn. Balse waxa jira juq juqayn ka imanaysa madaxda sare ee xisbiga Kulmiye, oo doonaya in ay shakhsiyaad mas’uuliyiin ah u adeegsadaan sidii ay uga hor iman lahaayeen dammaashaad loo sameeyo wafdigaasi.

Laakiin taageerayaasha xisbiga Waddani ee qiiraysan ayaa ah kuwo aan sinaba loo xakamayn karayn. Guddiyada qaban qaabaduna waxa ay hay’adaha ammaanka gaadhsiiyeen in aan fara gelin lagu samayn shacabka soo dhaweynaya wafdiga ee dhoollo tuska samayn doona.

Waftiga uu hoggaaminayo Musharaxa Madaxweyne Ku Xigeen Ee Xisbiga Waddani Amb.Maxamed Cali Aw-cabdi ayaa la filayaa in maalinta khamiista ee soo socota si weyn loogu soo dhaweeyo magaalooyinka Gebilay, Dila,Borama iyo waliba deegaannada hoos yimaadda G.Awdal. Warar Kale oo xog ogaal ahina waxa ay sheegayaan in waftiga uu hoggaaminayo Amb.Maxamed Cali Aw-cabdi ay socdaal taariikhiya ku mari doonaan deegaanno badan oo ka mid ah Gobolka awdal sida Quljeed, Boon, Baki, Xariirad, Geerisa, Lughaya iyo Zaylac socdaalkaasi oo qaadan doona mudo 7 maalmooda sida la filayo. Ayaa la filayaa in ay wada tashi iyo xog warsi la yeelan doonaan waxgaradka degaannadaasi oo aan haba yaraatee weli helin adeegyada dawladda.

Ka dib markii Musharaxa Madaxweyne Ku Xigeen Ee Xisbiga Waddani Amb.Maxamed Cali Aw-cabdi oo si aqlabiyad ah ugu guulaystay jagadaasi, ayaa waxa magaalada Borama si weyn uga bilaabmay dhaqdhaqaaqa iyo abaabulka shirar balaadhan oo lagu tageerayo amb.Maxamed cali aw-cabdi oo wakhtigan saamayn xooggan oo siyaasadeed ku yeeshay G/Awdal oo la filayo In codadka 80% uu ka helo G/Awdal Madaama ay cudud Balaadhan ku leeyihiin Beesha uu ka Soo Jeedo.

Horraanti Bishii January ee Sanadkan aan ku jirno ee 2016 ka, ayaa soo dhaweyn ballaadhan oo aan abid ka dhicin G/Awdal lagu qaabilay Amb.Maxamed Cali Aw-Cabdi Oo markaasi si weyn uu soo bandhigay cududda taageero ee uu ku leeyahay G/Awdal.

Dhanka kale waxaa iyagna garab socota samaynta boodhadh iyo istiikaro ay ku xardhan yihiin Musharax Amb-Maxamed Cali oo ay ku qoran yihiin odhaahyo ka turjumaya Soo Dhawayntiisa, waxaana la filayaa in maalmahan soo socdo lagu dhajiyo goobaha ugu waaweyn ee farasmagaalaha magaalada Boorama Soo dhawantan la filayo ayaa noqon doonta soo dhawan ka duwanaan doonta soo dhawaynihii hore loogu samayn jiray siyaasiyiinta kasoo jeeda Gobolda Galbeedka noqotna mid soo jiidata indhaha umada Somaliland oo dhan maadaama lagu jiro u diyaar garawgii doorashooyinka somalilan dhawaana bilaabmi doonaan Ololihii Taagerayasha Amb. Maxmed Cali ayaa laga sugayaa inay wacdaro dhigi doonaan tusina doonaan xisbiga kula tartamaya Somaliland ee kulmiye, oo uu iyadana ka sharaxan yahay musharax ka soo jeeda Galbeedka Somaliland ( C/Raxmana saylici ) waxaana si weyn Magaalada Borama,Dila Iyo deegaannada hoos yimaadda laga soo sheegayaa in ay si weyn uu socoto qabanqaabada soo dhaweynta Amb.Maxamed Cali Aw-cabdi Iyo Waftiga Uu Hogaaminayo.

Si kastaba ha ahaatee, soo dhaweynta Maalinta Khamiista loo samaynayo waftiga uu hoggaaminayo Musharraxa Madaxweyne Ku Xigeenka Xisbiga Waddani Amb.Maxamed Cali Aw-cabdi ayaa shacabka reer awdal si weyn ugu diyaar garoobayaan soo dhaweynta.

Awdalpress

Latest Images

Trending Articles

Latest Images