Beelaha bariga Somaliland beel ka mid ah oo shirweyne ay lahaayeen ay ku kulmeen siyaasiyiin iyo salaadiin u kala ololeeya xisbiyada Waddani iyo Kulmiye.

Awdalpress – London – Waxa muddaba suuqyada iyo majlisyada caam yeeshay faallooyinka Siyaasadda iyo oddoraska xisbiga talada dalka ku guulaysan doona. Dadka kala taageeraana, waxa ay qalinka iyo warqadda u sitaan, xisbi walliba tirada uu ka rajaynayo beelaha amma degaannada.

Sidoo kale, hoggaanka xisbiyada oo ay hormood u yihiin musharrixiinta iyo guddoomiyayaasha xisbiyada ayaa socdaallo xod xodasha ah ku kala bixiya gobollada dalka Somaliland. Waxana ay xisbiyadu ka siman yihiin qaabka ololaha iyo sida ay dadku u soo dhaweeyaan.

Muuqaalka aan maanta idiin haynaa waa beel ka mid beelaha bariga ee cududda leh, oo gaba gabadii shirkoodii ku soo casuuntay siyaasiyiin iyo oday dhaqameedyo u kala ololeeya xisbiyada tartamaya, gaar ahaan labada xisbi ee ugu cad cad ee KULMIYE iyo WADDANI.

Awdalpress