Madaxweyne Muse Bixi oo shalay degireeto Madaxweyne ku magacaabay mas’uulkii ugu horreyey ee ka soo jeeda degaanka Dilla iyo nawaaxigeeda, waa kuma

Awdalpress – London –  Madaxweyne Muse Bixi iyo M/xigeen Abdirahman Zaylici ayaa shalay qaatay go’aan ah in Ex-Wasiir Osman Sh. Abdi Sh. Mohumed uu noqdo Maareeyaha Wakaaladda Waddooyinka Somaliland. Hay’addaasi oo miisaan weyn leh, kana mid ah hay’adaha xisbiga Kulmiye uu isha ku hayey, ee uu ummadda ugu ballan qaaday in ay waddooyinka iyo jidadka dalka amma magaalooyinka wax weyn ka qaban doonaan.

Ex-Wasiir Osman Sh. Abdi Sh. Mohumed oo ka soo jeeda bariga gobolka Awdal amma degaanka degmooyinka Baki, Dilla, Idhan iyo weliba Borama ayaa noqonaya mas’uulkii ugu horreyey ee illaa immaga uu Madaxweyne Muse Bixi ka soo xusho degaannadaasi ballaadhan ee ay ka soo jeedaan kumannaan isugu jira waayeel iyo da’ yar waxbarasho sare haysta amma waaya aragnimo badan u leh maamulka.

Tallaabadan lagu magacaabay Ex- Wasiir Osman ayaa ah mid aad loo soo dhaweeyey marka la eego aqoontiisa, kartidiisa iyo daacadnimadiisa. Dhinaca kalena loo arko in wax yar laga qabtay saamiga maamul wadaagga dhaqanka u ah Somaliland ee ku salaysan beelaha. Inkasta oo aanay dadka degaankaasi ballaadhan degaa ku qanacsanayn in ay ka maqnaadaan ka mid noqoshada xukuumadda. Weligoodna aanay ka maqnaanin, intii ay Somaliland jirtayna ka mid ahaa dadka handaafiya golayaasha talada dalku ka go’do.

Isku soo wada duuboo, waxa cabsi laga qabay in shacabka reer Somaliland gaar ahaan gobollada galbeedka dusha lagaga keeno, shakhiyaad qurbaha ku raagay oo la soo guryo hoyday QABYAALAD, KALA QAYBIN IYO WAX LA MID AH. Dhawaanahanna mashquul ku ahaa sidii ay isaga horkeeni lahaayeen xukuumadda Muse Bixi iyo shacabka degaannada Baki, Dilla iyo Idhan. Oday dhaqameedyada iyo waxgaradka degaannadaasina waxa ay diyaar u yihiin sidii ay talo iyo wax qabad dalka Somaliland u gashadaan, wixii dhib keenayana uga fogaan lahaayeen. Wada jirka ummaddana u xoojin lahaayeen.

LIISKA MAS’UULIYIINTA UU MADAXWEYNE BIXI SHALAY MAGACAABAY EE UU HOGGAAMINAYO EX-WASIIR OSMAN HOOS KA AKHRISO: