Awdalpress – London – Tuulada Tukaya-raq ee ka tirsan gobolka Sool, ayaa 8dii Jan 2018ka ay ciidammada Somaliland xoog ku galeen, ciidammadii Puntland ee joogayna ay isaga carareen.

Qabsashada tuuladaasi waxa caddeeyey madaxweynaha Puntland Mudane Abdiweli Gaas. Warsaxaafadeed uu colaaddaasi kaga hadlayna waxa uu digniin culus u diray ciidammada Somaliland ee qabsaday tuuladaasi.

Dhinaca kale waxa Hargeysa laga soo sheegayaa in uu Muse Bixi la kulmay taliyaha ciidammada Somaliland, isla markaana uu amray in la xoojiyo jiidda hore, haddii ay Puntland weerar soo qaaddana ay ciidammadaasi jiidda hore amar ku haystaan in ay Garawe gacanta ku dhigaan.

Awdalpress

Awdalpress – London – Madaxweynaha Dawladda Federaalka Somalia mudane Mohamed Abdillahi Farmaajo iyo wafdi dawladdiisa ka tirsan oo uu hoggaaminayey, ayaa dhawaan booqasho ku tagay magaalo madaxda maamul goboleedka Puntland. Halkaasi oo si milga leh loogu soo dhaweeyey.

Madaxweyne Farmaajo ayaa dawladda Puntland iyo shacabkuba si kalgacalo leh ugu soo dhaweeyeen Puntland, muddadii uu joogayna waxa uu wada hadallo la yeeshay madaxda dawladda ee uu ugu horreeyo Madaxweyne Abdiweli Gaas iyo xukuumaddiisa.

Soo dhaweyntii wafdiga oo la yaab lahayd halkan ka daawo;

Awdalpress

Awdalpress – London – Madaxweynaha dowladda Soomaaliya Maxamed Cabdullaahi Farmaajo ayaa goor dhawayd dhax dhigay waddo Laami ah oo isku xidha deegaannada Dan-Goronyo iyo Eyl sida uu ku soo waramayo Wariyaheena Ibraahim Baafo oo ka mid ah wariyayaal la socda wafdiga madaxweynaha.

Ibraahim Baafo ayaa sheegay in wafdiga madaxweynaha oo ku sii jeeda magaalada Qardho ee gobolka Karkaar isaga iyo wafdigiisa ku hakadeen deegaanka Dan-Goronyo halkaa oo isaga madaxweyne Gaas dhax –dhigeen waddo Laami ah oo ay dhiseyso shirkad Shiineys ah.

Madaxweynaha ayaa la filayaa in saacadaha soo socda uu gaaro magaalada Qardho, halkaa oo uga sii gudbi doono dhinaca gobolka Bari gaar ahaan magaalada Boosaaso.

Source HOL

Awdalpress

Awdalpress – London – Ergeyga Michael Keating oo ka socda beesha caalamka ee danaysa Somaliya una dhashay dalka Ingiriiska ayaa markii uu la kulmay Muse Bixi iyo xukuumaddiisa amar ku bixiyey in deg deg loo joojiyo colaadda ka aloosan bariga, xaaladdana lagu soo celiyo sidii ay ahayd, wixii khilaaf ahna lagu dhammeeyo wada hadal.

Mr. Keating oo ah nin adag isla markaana ka mid ah ragga gunta ugu jira siyaasadda ku aaddan Somalia. Ayaa ka dhawaajiyey in ay arrinta hawadu tahay mid caalami ah, isla markaana aan loo baahnayn in lagu gor gortamo, waxana uu ka digay in Somaliland iyo Dawladda Federaalka Somalia ay arrintaa hawada ka murmaan. Laakiin ay habboon tahay in si sharci ah ay uga wada hadlaan.

Dhinaca kale wasiirka arrimaha dibadda Somaliland oo isna ka hadlay wadahallada wafdiga Mr. Keating iyo Somaliland ayaan wax badan ka sheegin, waxana uu hadalkiisii ku soo ururiyey in ay iskaashi iyo wada shaqayn yeeshaan.

Awdalpress

Awdalpress – London – Ra’iisul Wasaaraha waddanka Tuuniisiya, Yuusuf Shaahid, ayaa waxa uu cambaareeyay dibadbaxyada loogaga soo horjeedo barnaamijka gunti isku giijiska, kuwaas oo maalmihii la soo dhaafay saameeyay ku dhawaad 20 magaalo oo waddankaasi ku yaal.

Waxa uu dibadbaxyada ku tilmaamay kuwo qalalaase salka ku haya oo aanan la aqbali karin, waxa uu sheegay in kuwo qaswadayaal ah ay isku dayayaan inay curyaamiyaan qaranka.

Magaalada caasimadda ah ee Tuunis iyo magaalada u dhaw ee Dhabirbah halkaas oo Isniintii uu ku dhintay qof dibadbax sameynayay, ayaa waxa ay dibadbaxyo ka dhacayeen habeenkii saddexaad oo xiriir ah booliskuna waxa ay dadkaasi la dhaceen sunta dadka kaga ilmaysiisa.

Dibadbaxyada cusub ee habeenkii la qabtay ayaa ka dhacay oo kaliya magaalooyinka Tuunis iyo Dhabirbah hasayeeshee magaalooyin kale ayaa waxa ay dadku gubeen taayiro sidoo kalana waxa ay tuurayeen bambooyin batrool laga sameeyay.

Mas’uuliyiinta waddankaasi ayaa sheegaya in tobannaan ka tirsan ciidammada booliska shalay la dhaawacay, halka ku dhawaad 200 oo qof oo dibadbaxayayna la xiray.

Ra’iisul wasaaraha ayaa dibadbaxayaasha ku eedeeyay inay isticmaalayaan carruur si ay wax u xadaan oo ay u boobaan.

Dhanka kale Riim Maxjuub oo ka mid ah xildhibaanada baarlamaanka waddankaasi ayaa sheegtay in qaar ka mid ah dadka dibadbaxaya ay mudaharaadyada sharciga ah u isticmaalayaan inay ku gaystaan falal dambiyeed.

Qaar ka mid ah dadka dibadbaxayay ayaa sheegay in aanayba u suuroobayn inay mushaarkooda ku noolaadaan maadaama qiimaha cuntada, shidaalka iyo alaabaha kalaba ay sare u kaceen.

Iyadoo ay sii kordhayso carada dadweynaha ayaa waxaa la qorsheynayaa in Jimcaha la qabto isu soo baxyo ballaaran oo loogaga soo horjeedo barnaamijka gunti isku giijiska.

Tuuniisiya ayaa udub dhexaad u aheyd dibadbaxyadii ku caan baxay Gu’gii Carabta kuwaas oo todoba sanno ka hor halkaasi ka bilowday, waana dalka kaliya ee guul dimuqraadiyadeed gaaray dibadbaxyada kaddib, hasayeeshee dhibaatooyinka dhaqaale gaar ahaan sare u kaca qiimaha nolosha iyo kororka canshuuraha ayaa ah kuwo xooggan.

Tixraac BBC

Awdalpress

Awdalpress – London – Warar lagu kalsoon yahay oo naga soo gaadhaya jiidda hore ee dagaalku ka socdo, ee ay isku hor fadhiyaan ciidammada Somaliland iyo kuwa Puntland,  oo immiga  soo gaadhay shabakadda awdalpress, ayaa tibaaxaya in labada dhinacba ay ciidammo soo dhoobeen jiiddaasi. Gaar ahaan ciidammo u badan tikniko oo ka soo ruqaansaday Garawe, kuwaasi oo si xoog leh u dul yimid degaankaa ay colaaddu ka holcayso.

Dhinaca kale ee Somalilandna, waxa illaa iyo shalay la sheegayey in ay ciidammo aad u tiro badani u soo gur guuranayeen dhinacaa iyo Tukaraq. Laakiin illaa immiga rasaarta xooggeedu afka kamay bixin, waxase la isku hor fadhiyaa duleedka tuuladaasi Tukaraq.

Awoodda ciidan ee labada dhinac ayaa ah mid aan kala laad daadin, shacabka degaankaasina waxa ay dhinacooda ka is abaabul iyo  malleeshiyaad hayb qabiil loo abaabulay oo la safan dhinaca Puntland. Iyaga oo doonaya in ay ciidammada Somaliland dhabar jabin ku sameeyaan maaddaama ay aqoon u leeyihiin dhulka,  kadibna ay ciidammada Puntland u suurta gasho in ay muquunayaan amma  go’doomiyaan ciidanka Somaliland ee  jiidda hore ku jira.

Awdalpress

Awdalpress – London – Dadka ka soo jeeda qabiilka Dhulbahante ee samaystay dawlad goboleedka Khaatumo ayaa u arka in dagaalka ka socda degaannadoodu ay dhib ku hayaan dadkooda, dadka dhimanaya amma barakacayaana ay yihiin dadkooda.

Haddaba nin u hadlay Khaatumo ayaa ka dhawaajiyey in labada dhinac ee isku haya dhulkaasi ee Puntland iyo Somalilandna ay u arkaan in ay gardarro isugu haystaan dhulkayaga. Sidaasi daraaddeedna ay ka go’an tahay in ay labada dhinacba la dagaallamaan.

Dhibta kale ee ka daranina waxa weeye ayuu ninkaasi yidhi, ‘ labada dhinac ee dagaallamayaa ( Puntland iyo Somaliland ), waxa ay soo hubaynayaan dhallinyartayada, laakiin waan ka tashan doonnaa ayuu hadalkiisa ku soo gaba gabeeyey.’

Wadahadalka Khaatumo iyo Somaliland ayuu ninkaasi warkiisa raaciyey. Balse waxa la hadal hayaa in maamulka Puntland ay ka fekerayso in ay aqoonsato maamulka Khaatumo.

Awdalpress

Awdalpress – London – Madaxweyne ku xigeenka Somaliland oo ah shakhsiga ugu waayo aragsan systemka Somaliland lagu maamulo, ayaa xilligan la shaqaynaya Muse Bixi oo ah nin aan la garan karin sida uu yeelayo amma uu wax u wado.

Muse Bixi oo isna ah shakhsi la dhashay maamulka Somaliland horteedna ka mid ahaa xarakadii SNM, ayaa doonaya in uu is beddello badan ku sameeyo habkii iyo dhaqankii ay Somaliland ku soo jirtay 26 sano. Isbaddalka noocaasi ahina waa mid guul iyo guul darro labadaba keeni kara. Laakiin ugu horreyntiiba waxa uu qalday shaxdii ay dawladda Somaliland u dhisnayn, ee weliba laga cabanayey, welina waxa laga sugayaa in uu saxo, si ay wada lahaanshaha Somaliland u saxanto.

Bal hadda immiga aan daawanno Abdirahman Zaylici oo eedeynaya wasiirradii hore iyo systemkii uu ka midka ahaa, ee waa sida uu hadalka ku dhigaye dadka qaar lagu naas nuujin jiray. Su’aasha ay dad badani is weydiinayaanna waxa ay tahay, Zaylici laftiisu dad tolkii ah ma naas nuujin jiray, oo xilalkaa uu sheegayo ma u magacaabay?

Awdalpress

Awdalpress – London – Colaadda ka aloosan bariga Somaliland ee degaanka Sool ku taal, ayaa markii ugu horreysey waxa ka hadlay Wasiirka arrimaha gudaha Somaliland mudane Mohamed Kaahin.

Wasiirka ayaa si miisaaman oo odaynimo uga hadlay sida ay u arkaan xaaladdaasi colaadeed, oo cirka isku sii shareeraysa. Waxana uu ugu horreyn eed korka uga saaray dawladda Farmaajo iyo maamulka Puntland oo uu ku eedeeyey in ay mas’uul ka yihiin dagaallada ka dhacay jiiddaasi Tukaraq.

Mudane Kaahin oo hadlayaa muxuu yidhi:

Awdalpress

Awdalpress – London – Wafdi ballaadhan oo ka socda dawladda Isku Tagga Emerat-ka oo dhawaan socdaal ku yimid dalka Somaliland, ayaa madaxweyne Muse kala kulmay waji-gabax. Kadib markii uu Muse ka hor yimid heshiiskii Berbera, isaga oo dalbaday in wax ka baddal lagu sameeyo heshiiskaasi. Balse ay xubnaha wafdigu qaadan kari waayeen.

Maamulka dekedda Dubai oo ay weheliyaan mas’uuliyiin ka socda dawladda UAE, ayaa hore heshiis ula galay dawladdii Ahmed Siilaanyo, heshiiskaasi oo isugu jiray in ay la wareegaan maamulka Dekedda Berbera iyo saldhig ay dawladda UAE ka samaysato Berbera.

Bilowgii dhismaha hawsha dekedda in la galo, ayaa waxa hakisay doorashada Somaliland, oo la door biday in aan laga hor dhicin, fulinta heshiiskana ay hirgelinteeda la sugaan dawladda cusub ee dhalan doonta. Laakiin caqabaddan Muse kala hor yimid heshiiskaasi, waxa ay keentay is faham-waa durba ka dhex curtay UAE iyo Somaliland, waxana laga baqayaa in xaaladdaasi cusubi keeni doonto dhabar jab dhaqaale oo ka maanta ka sii daran, oo mustaqabalka dhaw soo wajaha Somaliland.

Dhinaca kale UAE waxa ay ka warqabtaa socdaalkii dhawaan uu Muse Bixi iyo xubno dawladdiisa ahi ku tageen dalka Djabouti oo tartan xoog badani ka dhexeeyo dekedda Jabal Ali ee Dubai. Waxana ay  UAE-ku ka cabsi qabaan,  in ay talada Berberi hoos timaaddo Madaxweyne Ismail Omer Geelle. Oo aanay xidhiidh fiican lahayn.

Sidoo kale waxa dawladda Emerat-ku xilligan xidhiidh fiican la leedahay Dawladda Federaalka Somalia iyo maamullada Puntland iyo Jubbaland oo ay heshiis ka Berbera mid la mid ah la galeen dekedaha Kismayo iyo Boosaaso. Taasina ay keeni karto in xoolaha u dhoofa khaliijku ay ka dhoofaan dekedahaasi. Sidoo kale waxa dad xog ogaal ahi hoosta ka xarriiqeen in ay dhici karto in ay dawladda Emerat-ku dekedahaasi ka sameeyaan maal-gashi gaadhsiisan heer warshadeed.

Isku soo wada duuboo, dhaqaalaha Somaliland iyo siyaasadda isbeddelka badani ku socdo, ayaan ahayn kuwo is qabta, colaadda immiga ka taagan bariga Somaliland, ee u dhaxaysa beelaha Harti iyo maamulka Somaliland ee ay hoggaamiyaan beelaha Jeegaanta ayaa iyana keeni kara, colaad ku baahda beelaha wada dega geeska Afrika. Taasina ay sababto in xoolaha ka yimaadda bari iyo Ethopia laga dhoofiyo Boosaaso iyo Djabouti. Berberina ay noqoto meel haawanaysa.

Awdalpress

Awdalpress – London – Wasiirka ganacsiga, warshadaha iyo dalxiiska mudane Mohamoud Hassan Sa’ad Iidle ( Saajin ), oo ka mid ahaa wasiirrada cusub ee maanta hor tegey golaha wakiillada Somaliland. Oo si la yaab leh, oo aqoon iyo waaya aragnimo ku jirto uga warramay hawsha loo igmaday iyo sida uu durba u guda galay.

Awdalpress

Awdalpress – London – War immiga soo gaadhay shabakadda awdalpress.com ayaa sheegaya in uu Muse Bixi maalinta Arbacada ee usbuucan uu socdaal gaaban ku tegi doono dalka Ethopia.

Wararka ayaa sheegaya in Muse loogu yeedhay arrimo xasaasi ah. Kuwaasi oo daarran saldhigga Berbera ee Emaratka, oo ay dawladda Ethopia shaki ka muujisay, kadib markii ay dawladda Masar iyo Emaratku saldhig ka samaysteen waddanka Eritarea.

Heshiiska saldhigga oo ay dawladdii hore ee Siilaanyo la gashay UAE isla markaana uu golaha baaramanka Somaliland ansixiyey ayaan laga noqon karin.

Awdalpress

Awdalpress – London – Fadumo Siciid oo ah la taliyaha guddoomiyaha xisbiga Waddani oo ka hadashay dariiq halbawla ah oo la dhisanayo iyo maamulka degmada illaa ka qaranka oo aan waxba ka qaban karin. Hadalkeeda waxa ku jiray xataa Muse Bixi ayaan la dhegeysanayn oo aan wax ka qaban karin.

Awdalpress

Siyaasadda Somaliland ee gudo iyo dibadba leh marka aad hoos u eegto, waxa kuu muuqanaya in muddooyinkan danbe mad-madaw hadheeyey, intii Somaliland soo jirtayna ay marayso meeshii ugu darrayd.

Socdaallada Muse Biixi uu ugu kala baxay Djabouti iyo Ethopia….iyo sidoo kale wafdigii Dubai ka socday ayaa dhammaantoodba bannaanka keenay siyaasaddii dhuumaalaysiga ku jirtay ee uu Ahmed Siilaanyo kolba dhinac uga leexanayey. Heshiisyadana kula galayey dawladaha jaarka. Nasiib darrana dhaxalka u noqotay Muse Biixi.

Muse Biixi oo xillagan wajahay mucaarid adag oo bari iyo galbeed kaga furan, ayey ugu biirtay sidii uu u wajihi lahaa siyaasadda dhaqan dhaqaale ee gobolka geeska Afrika amma bariga dhexe, sida dalalka dawladaha Carabta, Ethopia, Dajbouti, Eritrea, Masar, Somalia, Turkey iyo Kenya oo ah waddammo uu loollan adagi ka dhexeeyo. Waddamadaasi oo aanay ka maqnayn dawladaha waaweyn ee Ingiriiska, Maraykanka, Faransiiska, Ruushka iyo China. Oo iyaguna dano ka leh xeebaha iyo dhulka Somaliland.

Mushkiladda ugu weynina waxa ay ka dhacaysaa dekedda Berbera ee ay dawladdii Ahmed Siilaanyo heshiiska la gashay Emeratka, si ay u horumariyaan dekedda, sidoo kale waxa heshiiskaa ku jiray in UAE ay Saldhig Melatari ka samaysato Berbera.

Heshiiskaasi oo aanay markii hore dawladda Ethopia waxba ka qabin, ayaa immiga ula egaaday mid ay isticmaali karaan dawlado kale oo aan heshiiska ku jirin sida Masar, oo la sheegayo in saldhig laga siiyey Eritrea. Arrintaasi oo loo sibir saarayo daamka weyn ee ay Ethopia ka samaysay dhulkii ay biyuhu uga iman jireen webiga NIL oo muran ka dhex abuuray Masar iyo Ethopia.

Somaliland oo ah waddan yar oo aan weli dunida ictiraaf ka helin,  oo maamulkiisuna aad u tabar yar, dhinaca dhaqaalahana ku xidhan xoolaha iyo ganacsiga ay la leeyihiin Carabta, gaar ahaan Dubai iyo Sacuudiga, isla markaana aanay ka maarmi karin xidhiidhkaa soo jireenka ah. Ayaa waxa dhinaca kale taagan Ethopia oo ay Somaliland ugu tiirsan tahay dhaqaale ahaan iyo amni ahaan. Sidoo kalana Somaliland iyo Ethopia waxa ay wadaagaan xuduud dheer iyo xidhiidh dhaqan dhaqaale. Abaal badanna waa ay kala tirsadaan shacabka reer Somaliland iyo ka Ethopia. Laakiin immiga waxa ay u eg tahay in is aamminkii hore u jiray ee xoogga badnaa uu yaraaday. Mar haddii aanay siyaasadda Somaliland lahayn mawqif cad amma aanay si toos ah u taageeri karin danaha Ethopia.

Sababaha ay siyaasadda Somaliland iyo siyaasadda Ethopia u kala weecan karaan,  ayaa noqon karta mid diin ahaaneed  iyo ka dhaqaale ee ay sida xoogga leh ugu tiirsan yihiin Carabta. Taasi oo ay Ethopia og tahay. Balse aanay raalli ka noqonaynin in ay arrintu sidaa noqoto. Somalilandna kama maaranto xidhiidhka Ethopia iyo Carabta midna. Sidaasi daraaddeed, xaalka siyaasadeed ee Somaliland maanta waxa uu taagan yahay laba daran mid dooro.

Siyaasadda gudaha ee Muse Bixi ayaa iyana abuurtay mucaarid aad u adag oo dibad iyo gudaba ku sii xoogaysana, sababna waxa looga dhigayaa dawladdiisa uu magacaabay, oo u muuqata mid aar-goosi ama cadaawadi weheliso. Ee uu ku faquuqay shucuub fara badan oo milgo iyo karaamo ku leh Somaliland. Sidaasi daraaddeed, ayaa waxa maalinba maalinta ka danbaysa ka sii fogaanaya, haldoor iyo wax garad wax badan kala qaban lahaa dabaylaha siyaasadeed ee gudo iyo dibadba kaga furmay Somaliland.

Ahmedweli Goth

Awdalpress – London –Kaddib khilaaf muddo dheer soo dhex yaallay maamulka gobolleedka Galmudug ee saldhiggiisu ahaa Cadaado iyo maamulkii Alhu-sunna- Waljamaaca ee saldhiggiisu ahaa Guri-ceel iyo Dhuusa-Mareeb, ayaa maanta si rasmi ah loo soo afjaray, waxana calankii Galmudug si rasmi ah looga taagay xarunta cusub ee madaxtooyada Galmudug ee Dhuusa-Mareeb.

Munaasabadda lagu soo gunaanadayay heshiiskaa labada dhinac Galmudug iyo Ahlu-Sunna-Waljameeca waxaa ka qeybgallay madaxweynaha dowladda Soomaaliya Maxamed Cabdullaahi Farmaajo iyo madaxweyayaasha dowlad gobolleedyada Puntland, Koonfur Galbeed iyo Hirshabeelle.

Sidoo kale Munaasabadan waxaa ka qeyb galay xubnaha beesha Caalamka oo ay ugu horeeyaan Micheal Keating, Guddoomiyaha Midowga Afrika Ambassador Francisco Madeira, Wakiilka IGAD iyo xubno kale, kuwaasi oo maanta gaaray Dhuusa-mareeb.

Wakiilka Gaarka ah Qaramada Midoobay ee arrimaha Soomaaliya Micheal Keating oo goobta ka hadlay ayaa sheegay in QM ay soo dhaweyneyso heshiiska, wuxuuna balan qaaday in ay si dhow ula shaqeyn doonaan Maamulka Galmudug.

Madaxa Xukuumada Maamulka Galmudug Sheekh Maxamed Shaakir Cali Xasan ayaa sheegay in muhiim ay tahay in la iska cafiyo wixii horey u dhacay, la iskuna calool fiyoowaado, si horey loogu sii socdo.

Madaxweynaha Maamulka Galmudug Soomaaliya Axmed Ducaalle Geelle Xaaf ayaa dhinaciisa sheegay in maanta ay tahay maalin weyn oo lagu riyoonayay in ay dhacdo, wuxuuna ku tilmaamay guul u soo hoyatay shacabka Soomaaliyeed gaar ahaan shacabka Gobolada dhexe.

Sidoo kale madaxweynaha Galmudug ayaa ku baaqay in la iska ilaaliyo inuu yimaado khilaaf, isaga oo sidoo kale sheegay in Galmudug ay u diyaar garowday dagaal wadajir ah oo lagu qaado Shabaab.

Madaxweynaha Jamhuuriyadda Federaalka Soomaaliya Maxamed C/laahi Maxamed Farmaajo oo soo xiray Munaasabadda ayaa u mahadceliyay dhinacyadii howshaan ka soo shaqeeyay, wuxuuna tilmaamay in howsha hada ay tahay bilow.

Tixraac…HOL

Awdalpress

Awdalpress – London – Dekedda magaalada Muqdisho ayaa maanta lagu dhex toogtay  Jen. Saciid Aadan Dheere (Saciid Mariino) oo ahaa sarkaal ka tirsanaa ciidamada Badda oo lagu magacaabi jiray.

Sarkaalka la dilay oo maamulayey qeyb ka mid ah dekedda, ayaa waxaa dilkiisa ka dambeeyay nin isaga ku xigeen u ahaa, iyada oo ilaa hadda aanan si dhab ah loo ogeyn sababta ka dambeysay dilkiisa.

Ciidamada ammaanka gudaha Dekeda Muqdisho ayaa gacanta ku dhigay gacan ku dhiiglaha dilka geystay, waxaana laga dhigay direeskii iyo hubkii uu watay, iyada oo garba duub loo xiray, kadibna gaadhi lagu qaaday.

Ma jirto wax war ah oo ka soo baxay Taliska Badda ee ciidanka xoogga dalka iyo laamaha ammaanka ee dowladda oo ku saabsan dilka loo geystay Taliyaha ka tirsan qeybaha Talisyada Ciidamada Badda Soomaaliya.

Awdalpress

Awdalpress(Qabridahar) 19 Jan, 2018–Xaflad si qurux badan loo soo agaasimay oo xadhiga lagaga jaray jaamacada qabridahar oo ay ka soo qaybgaleen Madaxwaynaaha DDSI mudane Cabdi Maxamuud Cumar, wasiirka wasaarada waxbarashada JDFI dr Dilaaye Gete, wasiiru dawlaha wasaarada waxbarashada JDFI ee dhinaca waxbarashada sare Dr Sameel  kiflemadaxwaynaha jaamacada qabridahar mudane Dr yuusuf maxamed masuliyiin isugu jira heer faderaal iyo heer deegaan, hogaaminta odayaal dhaqameedka deegaanka, dufcada 1aad ee waxbarashada ka bilowday jaamacada qabridahar  iyo marti sharaf kale ayaa si qurux badan uga qabsoontay madasha shirarka ee jaamacada qabridahar.

Jaamacada qabridahar oo ka mid ahayd 11kii jaamacadood ee dhawaan lagu soo daray jaamacadaha dalka ayaa waxaa dhismaheeda lagu soo gabagabeeyay muda 2 sanadood ah Waxaana si wada jir ah xadhiga uga jaray jaamacada qabridahar maanta  Madaxwaynaaha DDSI mudane cabdi maxamuud cumar, wasiirka wasaarada waxbarashada JDFI dr dilaye gete, wasiiru dawlaha wasaarada waxbarashada JDFI ee dhinaca waxbarashada sare samawel kifle.

Haddaba, waxaa ugu horayntii ka hadlay xafladan xadhig ka jarka jaamacada qabridahar madaxwaynaha DDSI mudane cabdi maxamuud cumar oo ugu horayntii u mahad celiyay dhamaanka masuuliyiinta ,odayaal dhaqameedka deegaanka iyo ardayda  dufcada 1aad ee waxka barata jaamacada qabridahar, madaxwaynaha ayaa ka warbixiyay ahmiyada jaamacadan u leedahay shacabwaynaha itoobiya gaar ahaana bulshada deegaanka madaxwaynaha ayaa  sheegay in dalkeena  itoobiya wixii ka dambeeyay  xiligii maamulkii kaligii taliskii macangaga ahaa uu ka hirgalay  hormar laxaad leh oo aan kalago’ lahayn sidoo kale waxa uu tilmaamay madaxwaynuhu in ay maamuladii hore ee wadanka ka soo talin jaray ku guuldaraysteen in ay wadanka ka hirgaliyaan jaamacahado iyo tacliinta sare ee waxbarashada gaar ahaana deegaanka soomalida itoobiya ahaa meelaha aan laga hirgalin habayaraatee xarumaha waxbarashada marka laga beero hal dugsi sare oo ay waxka baran jireen ciyaalka ay dhaleen ciidankii dhargigu

Madaxwaynaha DDSI ayaa intaasi ku daray in dadaalkii dheeraa ee ay sanadihii la soo dhaafay sameeyeen xukuumada faderaalka iyo xukuumada DDSI lagu guulaystay in deegaanka soomalida itoobiya laga hirgaliyo mashaariicaha waawayn ee wax kabadalaya nolosha bulshada kuwaasi oo ay ka mid yihiin jaamacadan maanta xadhiga laga jarayo  sidoo kalena la hirgaliyay mashaariico kor loogu qaadayo nolosha bulshada xoolo dhaqatada ahaan jiray lagana dhigayo xoolo dhaqato beeralay si bulshada deegaanka looga saaro saboolnimada islamarkaana loogu biiro wadamada dhaqaala hoodu meel dhexaadka yahay iyada oo laga faa’iidaysanayo khayraadka hidin ee deegaanku hodanka ku yahay madaxwaynaha DDSI ayaa ku booriyay ardayda dufcada 1aad ee hadda waxka barata jaamacada qabridahar, hogaaminta jaamacada qabridahar iyo bulshada agagaarka jaamacada qabridahar ay siwada jirka uga shaqeeyaan kor u qaadista tayada jaamacada qabridahar.

Dhankiisa wasiirka wasaarada waxbarashada JDFI  Dr tilaaye gete oo xafladan ka hadlay ayaa sheegay faa’iidooyinka ay bulshada deegaanka u leedahay jaamacadan qabridahar wuxuuna cadeeyay wasiirku in jaamacadihii kale ee ay isku wakhtiga ahaayeen jaamacada qabridahar ay dib u dhaceen oo ayna wali bilaabin waxbarashadii sanadkan balse in jaamacadan qabridahar xadhiga laga jaro ay ku timiday dadaalka xukuumada DDSI iyo ka go’naanshiyaha ay leeyihiin hogaaminta xukuumada DDSI ay tahay tan suurta galisay in maanta xadhiga laga jaro wasiirka ayaa sheegay in jaamacadan qabridahar ee maanta xadhiga laga jaray islamarkaana bilwoday adeegii bixinta waxbarashada ay tahay mid xaqiijinaysa dadaalka loogu jiro gaadhsiinta adeega waxbarashada dalka iyada oo dhinaca kalena  looga faa’iidaysana soo saarida cududa waxbarasho ee deegaanka iyo dalkaba .

Waxaa kale oo ka hadlay intii ay socoday xaflada xadhig ka jarka jaamacada qabridahar madaxwaynaha jaamacada qabridahar mudane Dr yuusuf maxamed  oo tilmaamay in dhismaha jaamacada qabridahar ku baxday 740 milyan oo birr wakhti xaadirkana  waxka baranayaan 1500 oo arday oo ah dufcadii 1aad ee waxbarashada ka bilowday jaamacada qabridahar kuwaasi oo ka kala yimiday deegaanada dalka islamarkaana ay si diiran u soo dhaweeyeen bulshada ku dhaqan gobolka qabridahar oo soo dhawayn ku caan baxdy.

Sidoo kale waxaa ka hadlay xafladan xadhig ka jarka jaamacada qabridahar hogaaminta odayaal dhaqameedka deegaanka iyo qaarka mid ah hogaaminta diimaha kala duwan ee dalka itoobiya kuwaasi oo ka warbixiyay ahmiyada balaadhan ee ay jaamacadan u leedahay qaybaha ka duwan ee bulshada deegaanka iyo dalkaba.

Ugu dambayntii jaamacada qabridahar ayaa  noqonaysa jaamacadii 3aad ee xadhiga laga  jaray  11kii jaamacadood ee lagu daray jaamacadihii dalka waxaana gabagabadii xafladan xadhig ka jarka jaamacada lagu abaalmariyay xafiisyadii heer deegaan,wasaaradaha feer faderaal iyo shirkadii  sida hagar la aanta ah uga shaqeeyay hirgalinta dhismaha jaamacada qabridahar..

Kulan balaadhan oo uu kasoo qaybgaley madaxwaynaha DDSI mudane Cabdi Maxamuud Cumar, odayaal dhaqameedka deegaanka, odayaal dhaqamedka magaalada qabridahar, Dhalinyarta iyo qaybaha kaladuwan ee bulshada magaalada qabridahar islamarkaana lagaga hadlayay xadhig kajarka iyo soo dhawaynta ardayda cusub ee jaamacada qabridahar ayaa ka qabsoomay magaalada qabridahar ee xarunta gobolka qoraxey.

Hadaba kulankan ayaa waxaa ugu horayn furitaankiisii ka hadlay madaxwaynaha DDSI mudane Cabdi Maxamuud Cumar oo sheegay in uu horumarka deegaanka gaar iyo kan magaalada qabridahar ku talaabsatay uu yahay mid aan la dafari Karin oo ay mucaarad iyo muxaafidba qirayaan islamarkaana loo baahanyahay in halkaas lagasii wado. Wuxuuna Madaxwaynuhu intaa kudaray in jaamacadan qabridahar ay tahay mid taariikhi ah oo isbadal horumarineed ku samayndoonta guud ahaan deegaanka gaar ahaan magaalada qabridahar, Iyadoo shacabka qabridahar ay jaamacadan u horseedi doonto waayo aragnimo iyo ilbaxnimo dhinaca isdhexgalka bulshada ah maadaama oo ay jaamacadu qaabilayso arday ka kooban dhamaan qoomiyadaha kala duwan ee dalka. Madaxwaynaha ayaana shacabka ku adkeeyay oo kula dardaarmay inay si hagar la’aan ah usoo dhaweeyaan ulana dhaqmaan ardayda ay jaamacadu qaabishay maadaama oo ay ardaydan tirade badan ay magaalada kusoo kordhin doonaan horumar balaadhan oo kala duwan. Wuxuuna madaxwaynuhu xusay in ay radaydan markii ay imanayeen jaamacada ay la tashadeen waalidoontood islamarkaana ay sidaas ku yimaadeen, Loona baahan yahay in si wanaagsan loosoo dhaweeyo.

Dhankooda waxaa iyana kulankan ka hadalay odayaal dhaqameedka deegaanka, odayaal dhaqameedka mm qabridahar iyo dhalinyarta mm qabridahar ayaa sheegay inay aad oogu faraxsanyihiin xadhig kajarka jaamacadan taariikhi ah ee qabridahar islamarkaa ay si hagar la’aan ah usoo dhawayn doonaan ardayda ay jaamacadu qaabishay ee kakala yimaaday deegaanada dalka.

Ugu danbayn madaxwaynaha iyo waftigii uu hogaaminayay ayaa u hoyday magaalada godey ee xarunta gobolka shabeele oo ay wakhti xaadirkan ku suganyihiin.

Madaxwaynaha DDSI mudane Cabdi Maxamuud Cumar iyo wafti balaadhan oo uu hogaaminayay oo habeenkii xalay u hoyday magaalada Goday ee xarunta gobolka Shabeele  islamarkaana kulamo la yeeshay qaybaha kala duwan ee bulshada ku dhaqan magaalada Goday ayaa maanta uga kicitimay dhinaca magaalada Raaso ee xarunta degmada Raaso.

Madaxwaynaha DDSI iyo waftigan uu hogaaminayo ayaa waxay intii ay ku sii jireen socdaalkooda sii booqdeen mashruuca wayn ee waraabka looga faa’iidaysanayo wax soo saarka beeraha ee degmada beer-caano,  degmada iimay bari iyo degmada abaaqorow  sidoo kale madaxwaynaha ayaa tuulo kasto oo ay sii marayaan  kula hadlayay qaybaha kala duwan ee bulshada kuna  boorinayay in xooga saaraan wax soo saarka beeraha sidoo kalena ka faa’iidaystaan mashaariicaha ay xukuumada DDSI hirgalisay.

Ugu dambayntii madaxwaynaha DDSI iyo waftigan uu hogaaminayo ayaa  galabta ku dheelmaday magaalada Raaso ee xarunta degmada Raaso madaxwaynaha iyo waftigan balaadhan ee uu hogaaminayo oo ka qaybgalaya shirwaynaha wadatashiga xukuumada DDSI iyo shacabwaynaha DDSI oo maalinta barito ah ka furmaya magaalada Raaso  ayaa markii ay gaadheen magaalada raaso waxaa halkaasi  si balaadhan oo meeqaam sare  ugu soo dhaweeyay  kumanaan ka tirsan qaybaha kala duwan ee bulshada ku dhaqan magaalada Raaso.  madaxwaynaha iyo waftigan uu hogaaminayo ayaa wakhtixaadirkan ku sugan  magaalada Raaso.

Cakaaranews

Awdalpress – London – Madaxweynaha Soomaaliya Maxamed C/llaahi Farmaajo ayaa goor dhawayd wareegto uu soo saaray ku magacaabay guddoomiyaha cusub ee gobolka Banaadir, isaga oo u magacaabay Cabdiraxmaan Cumar Cismaan Yariisoow oo horay u ahaan jiray Wasiirka Warfaafinta. Waxa kale oo uu dhammaanba xilalkii gobolka Banaadir ka qaaday mas’uuliyiintii hayay xilalka Guddoomiye ku-xigeenada iyo Xoghayaha Guud ee Maamulka Gobolka.

Akhriso Wareegtada ka soo baxday Xafiiska Madaxweynaha:-

Madaxweynaha Jamhuuriyada Federaalka Soomaaliya, Mudane Maxamed Cabdullahi Maxamed Farmaajo

-Markuu arkay soojeedinta Wasaarada Arrimaha Gudaha, Federaalka& Dib-u-heshiisiinta;

Markuu wadatashi la sameeyey, islamarkaasna dhageystey talooyinka Ra’iisul Wasaaraha Xukuumada Federaalka Soomaaliya;

Madaxweyahu waxuu shaqsiyaadka hoose u magacaabay xilalkakala ah:

Maxamed Cabdullaahi Maxamed waxaa loo magacaabay Guddoomiye kuxigeenka 1aad ee Amniga iyo Siyaasada;

Hussein Mohamed Nurwaxaa loo magacaabay Guddoomiye kuxigeenka 2aad eeMaamulka&Maaliyada;

Xil ka qaadistan ayaa imaneysa kaddib khilaaf xoogan oo soo kala dhaxgalay guddoomiyihii hore ee gobolka Banaadir Taabit Cabdi Maxamed iyo madaxtooyada Soomaaliya.

Awdalpress

Awdapress – London – DR. Mohamoud Sh. Hassan Taani oo ka mid ahaa hormooddadii ururkii UFO ee xaq u dirirka ahaa, ahaana ururkii ugu horreeyey ee ka soo horjeesta dulmigii lagu hayey gobolladii Woqooyiga Somalia. Halgankaa dartiisna loo xidhay 10 sano oo xadhig adag ah.  Ayaa maanta lagu marti qaaday barnaamijka xasuus-reeb ee uu soo daawo wariye Ducale.

Awdalpress