FAALO: Masuuliyiinta xukuumada kaga jira bulshada degtaa Bariga Boorama,Baki,Dilla iyo Magaalo-Cad ayaa noqotay masuuliyiint ugu waxqabadka yaraa ee Soo Mara Deegaanadaaasi.
Masuuliyintani ayaa inta badan deegaanadaasi soo Arka kaliya marka weftiyada madaxweynaha ama ku xigeenkiisu ay Socdaalada ku marayaan deegaanadaasi qaarkood .
Sida ay noo xaqiiyeeen mar ay shabakada wararka ee Awdalpress Booqatay deegaanadaasi shacabku ayaa waxay sheegeen in xaalada caafimaad ,waxbarasho iyo nolol ee deegaanadaasi ay aad uga hoosayso deegaanada kale isla markaasina aan wax mashaariic ah oo laga hirgaliyey aanay jirin .
Dadweynaha ku nool deegaanadaasi waxaa ay hambalyo iyo bogaadin u direen qaar ka mid ah qurbojoogta deegaanadaasi oo ay sheegeen in ay soo xasuustaan isla markaasina ka qayb qaataan buuxinta baahiyaha ka jira deegaanadaasi .
Si kastaba ahaatee masuuliyiintii deeganadaasi laga doortay iyo kuwa ka jira xukuumada dhexe ayaa inta badan wakhtigooda ku qaata caasimada Somaliland ee Hargeysa kuwaasi oo aan kuur galin xaalada ay ku nool yihiin shacabka ay matalaan isla markaasina Socdaalo gaar ah aan ku soo gaadhin deegaanadaasi
maalmaha soo socoda waxaan idiin soo gudbin doonaan muuqaalka warbixin aanu idinka soo diyaarinaya deegaanadaasi iyo shacabka ku nool .
Awdalpress-Boorama
Rag Is Barey
The post Halkay Ku Dambeeyeen Masuuliyiintii Xukuumada Kaga Jiray Deegaanada Boorama,Baki iyo Magaalo-Cad? appeared first on Awdalpress.com.